Kocha Löw ataja kikosi cha Ujerumani bila wachezaji nyota

Kocha wa timu ya taifa ya Ujerumani Joachim Löw amewaita kikosini wachezaji wane wapya kwa mechi za kirafiki za Ujerumani dhidi ya Ecuador na Marekani, huku nyota wa Bayern Munich na Borussia Dortmund wakiwachwa nje kwa sababu ya fainali ya Champions League.

Wachezaji wa Real Madrid Mesut Oezil na Sami Khedira pia watakosa ziara hiyo kwa sababu msimu wa Ligi ya Uhispania hautakuwa umekamilika. Jumla ya wachezaji 15 wa kikosi cha kwanza hajawajumuishwa katika ziara hiyo ya Marekani. Ujerumani itamenyana na Ecuador Mei 29 mjini Boca Raton na kasha Marekani mnamo Juni 2 mjini Washington DC.

Mshambulizi wa Lazio Miroslav Klose na wachezaji wawili wa Borussia Dortmund, Kevin Grosskreutz and Sven Bender, wanatarajiwa kujiunga na kikosi cha taifa baada ya kumaliza majukumu ya klabu yao, kwa mechi ya kirafiki dhidi ya Marekani. Wachezaji wapya walioitwa kikosini ni beki Philipp Wollscheid wa Nuremberg, viungo Sidney Sam wa Bayer Leverkusen, Nicolai Mueller wa Mainz na Max Kruse wa Freiburg. Wengine walioitwa ni viungo Aaron Hunt (Werder Bremen) na Stefan Reinartz (Bayer Leverkusen).pamoja na mabeki Dennis Aogo (Hamburger SV) na Andreas Beck (Hoffenheim).

DW.